Epoka e zilisë: Si të jemi të lumtur kur jeta e njerëzve përreth duket e përkryer

Rrjetet sociale kanë krijuar një botë në të cilën të gjithë duken të lumtur-përveç nesh. A ekziston ndonjë mënyrë që njerëzit ta frenojnë inatin e tyre?

Ne jetojmë në epokën e zilisë. Zili rreth karrierës, kuzhinës, fëmijëve, ushqimit, pushimeve. Thoni çfarëdo emri dhe ekziston një lloj zilie për të.

Profesori i psikologjisë në Universitetin e Michiganit thotë se me shfaqjen e rrjeteve sociale “zilia ka kaluar në ekstrem”.

Këto krahasime nuk janë realiste, thotë psikologia klinike Rachel Andrew. “Të gjithë e dimë se imazhet mund të filtrohen, se njerëzit po e shfaqin vetëm anën më të mirë të jetës së tyre”. Ne i mbajmë pajisjet e përforcimit të zilisë kudo me vete në xhepat tanë, flemë me to nën jastëk, dhe na joshin 24 orë në ditë, në momentin kur zgjohemi e madje edhe në mes të natës.

Për këtë, Dryden, terapist i sjelljeve kognitive, thotë se duhet të mendoni se çfarë do t’i mësonit një fëmije. Qëllimi është që të zhvillohet një filozofi, një mënyrë e të qënit që ju lejon të kuptoni kur dikush ka diçka që ju e doni por nuk e keni dhe ta kuptoni se mund të mbijetoni edhe pa të dhe se edhepse nuk e keni nuk ju bën më pak të vlefshëm si person.

Mund të provojmë edhe të ndryshojmë mënyrën si i përdorim zakonisht rrjetet sociale. Shumicën e kohës, njerëzit e përdorin Facebook-un në mënyrë pasive dhe jo aktive, duke lexuar në vend se të postojnë, dërgojnë mesazhe apo komentojnë.

Ndoshta, secili prej nesh duhet të mendojë më me kujdes kur i përdorim rrjetet sociale në mënyrë aktive, të mendojmë se çfarë po mundohemi të themi dhe pse- dhe se si paraqitja jonë virtuale mund t’i kontribuojë kësaj epoke të zilisë në të cilën jetojmë.

Ju pëlqen ky artikull? Klikoni këtu dhe na bëni like në Facebook për më shumë artikuj të tillë.