KosovaLive360

Oda Amerikane ka organizuar takim me kompanitë e sigurimeve dhe drejtorin e Departamentit të Mbikqyrjes së Sigurimeve në Bankën Qëndrore të Kosovës, Nexhat Miftari.

Tema kryesore e këtij takimi ishte praktika diskriminuese e mënyrës së tatimimit që po i’u bëhet kompanive të sigurimeve, duke i ngarkuar me një taksë prej 5% në të hyra. Gjatë këtij takimi përfaqësuesi i BQK-së u shpreh se BQK tanimë e ka shqyrtuar këtë çështje me institucionet publike relevante dhe po ashtu Fondin Monetar Ndërkombëtar dhe se ka vullnet për të ndryshuar këtë ligj.

Gjatë takimit u theksua se presioni ndaj Ministrisë së Financave dhe akterëve tjerë duhet të shtohet në mënyrë që ky ndryshim të ndodhë sa më parë.

Oda Amerikane u shpreh e gatshme për të ndihmuar në shtyrjen përpara të këtij procesi.

Të Rekomanduara